Garowe ( SPR ) : Urursiyaasadeedka Midnimo oo kamid ah Lixda Urur siyaasadeed ee u taagan
doorashooyinka Dimuqraadiga ah ee la filayo in ay ka qabsoomaan Puntland
ayaa walaac xoogan ka muujiyay isbadalo lagu samaynayo xeerka doorashada.

Axmed Ismaaciil Muuse oo ah Afhayeenka KMG ee Urur siyaasadeedka Midnimo
ayaa ka hadlay Warsaxaafadeed uu Ururkoodu soo saaro,taasi oo ay walaac
uga muujinayaan habka ay wax u wadaan gudiga kmg ee doorashooyinka Puntland,iyadoona
ay ku tuhmayaan in xisbiyo gaar ah ay u danaynayaan.

Axmed ayaa sheegay in Ururkoodu uu qaadacayo doorashooyinka la filayo in ay
dhacaan hadii wax laga badalo qodobo dastuuri ah oo ku saabsan arimaha doorashad,
waxaana uu tusaale ahaan usoo qaatay Qodobada,qodobka ka hadlaya in qofka
codka bixin karaa yahay qof muwaadin reer Puntland ah, da diisuna aysan ka yarayn
 18 jir oo haysta warqad aqoonsi ah,Kan labaadna yahay, in doorashada lagu galo iyadoo
aysan jirin diiwaanka codeeyayaasha,taasina ay u arkayaan hadii ay dhacdo in lagu shubanayo
codka.

Dhanka kale Maamulka talada haya ee Puntland oo ah Ururka Horseed ayaa isagu
iska fogeeyay in uu qabo walaac hadii wax laga badalo qodobadaasI.

Wasiirka Maamul wanaaga ee Puntland Maxamed Faarax Ciise Gaashaan ayaa sheegay
geedi socodka dimuqraadiyada Puntland ee wakhtigani in uu yahay mid hana qaad ah
sidaasi darteedna ay u dul qaadanayaan wax kasta oo lagu gaari karo hirgalinta
nidaamkaasi.