Baydhabo ( SPR ) : Ciidamada dowlada Federaalka Soomaaliya iyo kuwa Itoobiya ayaa la wareegay deegaano ku yaala gobolka Bay,halkaasi oo ay dagaalo kula galeen Ciidanka Alshabab oo horay uga talinayay deegaanadaasi.
Ciidamada isbahaysanaya ayaa la wareegay deegaano hoostaga Degmooyinka Baydhabo iyo Diinsoor,iyadoona sida uu sheegay Taliye Xasan Isaaq Cumar Xasan Baydhabo ay dagaalka la galeen Al Shabaab,uuna ahaa mid qorshaysan oo ay hab Milatari ku abaareen.
Taliye Xasan Baydhabo ayaa sheegay in ay Askar badan kaga dileen Alshabab dagaalka ay la galeen ayna sii wadayaan tan iyo inta ay kasoo afjarayaan dageenada ay kaga sugan yihiin gobolkaasi.
Deegaanada ay Ciidamada Dowladu ay la wareegeen ayaa waxaa kamid ahaa sida uu sheegay taliye Xasan Baydhabo Goodis, Goorisamo, Buulobarako, Dhaaloow, kuwaasi oo hoostaga degmooyinka Baydhabo iyo Diinsoor ee Gobolka Bay.
