Muqdisho ( SPR ) : Madaxweynaha Dowlada Federaalka Soomaaliya Xasan Sheekh Maxamuud ayaa qaabilay masuul ka socday baarlamanka dalka Mareykanka kaas maanta gaaray Magaalada Muqdisho ee xarunta dalka Soomaaliya.
Madaxweyne Xasan ayaa uga warbixiyay Cetalisan xaaladaha ka jira dalka iyo horumarada ay dowladiisu sameysay bilihii la soo dhaafay iyo qorshayaasha horumarineed xiligan ay Soomaaliya damacsan tahay.
Mr Cetalisan ayaa sheegay in Mareykanku uu diyaar u yahay in uu gacan ka geysto hormarinta Soomaaliya ayna la garab istaagayaan dowlada taageerada ay u baahan tahay si ay u gaarto halka ay hiigsanayso.
Ujeedka socdaal ee masuulkani ayaa lagu sheegay in ay tahay u kuurgalida xaalada soomaaliya,iyadoona dhowaan Maraykanku uu soo celiyay xiriirkii Diblomaasi ee horay ugala dhexeeyay labada dal kahor inta aanay burburin dowladii dhexe ee Soomaaliya.
