Garowe ( SPR ) : Shir Jaraa id oo ay maanta saxaafada ugu qabteen Garowe culimada Al ictisaam ayay ugu warbixiyeen Bayaan  ilaa 10 qodob gaaraya oo ay kasoo saareen dilkii Allaha u naxariistee Sheekh Cabdu qaadir Nuur Faarax oo ay ku eedeeyeen in ay ka dambeeyeen Alshabab.

Qodobada ku qoran bayaanka ay Culimada Al ictisaam ayaa soo saareen ayaa waxaa ka mid ah in  dilalka Al shaabaab ay gaysanayaan aysan jirin meel ay kasoo gali karto jihaadka ay sheeganayaan in ay farayso Diinta islaamka.

Shiikh Axmad Cabdi samad oo akhrinayay bayaanka ay kasoo saartay culimada dilkii Allaha u naxariistee Sheekh Cabdu qaadir Nuur faarax ayaa sheegay in ay isku dambi yihiin kan wax dila,kan qariya iyo kan dhaqaalaha ku bixiya,iyadoona uu tilmaamay in muhiim tahay sidii hal meel looga soo wada jeesan lahaa falalka foosha xun ee ay kooxda Alshabab kula kacayaan shacabka sida uu hadalka u dhigay.