Kambala ( SPR ) : Ilaa 500 oo Askari oo qayb ka noqonaya Ciidamada Xooga dalka Soomaaliya ayaa tababar loogu soo gabagabeeyay Dalka Uganda,kadib mudo bilooyin ah oo tababar uu uga socday wadankaasi.

Wasiirka Gaashaandhiga Dowlada Federaalka Soomaaliya Cabdi xakiin Xaaji Maxamuud Fiqi ayaa sheegay in ciidamadan mudadii uu tababarka u socday ay qaateen tababaro ku aadan sidii ay awood ugu lahaan lahaayeen difaaca dalkooda.

Ciidamadan tababarka loo xiray ayaa kharashaadka ku baxayay waxaa gacan ka gaystay Midowga Yurub iyo Maraykanka,iyadoona sidoo kale ay tababarada ay qayb ka ahaayeen bixintiisa macalimiin Ajaanib ah.

Ciidamada Tababarka dhamaystay ayaa la filayaa in mudo ilaa 45 cisho ah ay sidoo kale qaataan taasi oo loogu wacyi galinayo gaar ahaana lagu barayo dibishiliinka iyo barida wadaniyada.

Tababarka ay ciidamadani dhamaysteen ayaa waxaa uu kusoo beegmayaa xili Wasiirka Gaashaandhiga Soomaaliya Cabdi Xakiin Xaaji Maxamuud Fiqi uu sheegay dhowaan in ay bilaabeen isku dabaridka iyo habaynta ciidanka xooga dalka,haatana ay dayactiro ku wadaan xerooyinkoodii iyo cisbitaalkii ciidanka xooga dalka ee Muqdisho.