Garowe ( SPR ) : Madaxweynaha Puntland C/raxmaan Sheekh Maxamed Faroole ayaa ka tacsiyeeyay geeridii Allaha u naxariistee Suldaan Muse Faarax ( Muuse Onkod ) oo ay
kooxo hubaysani maanta ku toogteen gudaha Magaalada Boosaaso.
Madaxweyne Faroole ayaa ka digay in dilka Allaha u naxariistee Suldaanka aan
waji kale loo yeelin,isagoona sheegay kooxaha nabad diidka ah oo uu falkaasi
ku tuhmay in ay ka faa iideysan karaan dilka suldaanka.
Madaxweynuhu waxaa uu sheegay in uu jiro raad ay hayaan oo ku aadan cidii
gaysatay dilka suldaanka sidaasi daraadeedna la sugo baaritaanka ay ciidanku
wadaan.
Maanta ayay ahayd markii ay kooxo hubaysan oo sida ay dad goob joogayaal ah
sheegeen ku labisan dareeska ciidanka ay dileen Suldaanka,iyadoona dhacdadani
ay noqonayso tii ugu horaysay oo mudooyinkaan ka dhacda gudaha Boosaaso.
HALKA KA DHAGAYSO CODKA MADAXWEYNAHA
Download
