Boosaaso ( SPR ) : Xaflad ka dhacday Hoolka Shirarka ee Xaruna Gobollka Bari ayna kasoo qayb galeen,Wasiirka Amniga ee Puntland,Maamulka gobolka,kan degmada,Nabadoono iyo qaar kamid ah haweenka Degmada Boosaaso ayaa lagu soo dhoweeyay Xildhibaan Sacdiyo Carays Ciise Kaarshe oo kamid ah Xildhibaanada Dowlada Federaalka Soomaaliya.

Wasiirka Amniga ee Puntland Khaliif Ciise Mudan ayaa sheegay in ay farxad u tahay in ay soo booqato Xildhibaan Sacdiyo oo iyadu kasoo jeeda deegaanka garatayna in wakhtigeedii fasaxa ee baarlamanka ay uga faa iideysato in ay kasoo xog waranta xaalka iyo ra yiga ay qabana shacabka Puntland.

Qaar kamid ah waxgaradkii iyo Masuuliyiintii ka hadlay munaasabadii lagu soo dhoweynayay xildhibaanad sacdiyo caraysi ciise ayaa  u gudbiyay xildhibaanada aragtiyo ay ka qabaan Maamulka xiligani ee dowlada federaalka,gaar ahaan dhismaha Maamul ee Federaalka iyo xaq soorida gobolada soomaaliya.

Xildhibaanad Sacdiyo Carays Ciise Kaarshe ayaa mahadcelin kadib sheegtay u jeedkeeda imaanshiyaha Puntland ee wakhtigani in uu yahay in ay kasoo war hesha xaalka dadka ay kasoo jeedo,ayna socdaalo ku kala bixin doonto deegaanada kala duwan ee Puntland.

Socdaalka Xildhibaanad sacdiya ee Puntland ayaa imaanaya xili Baarlamanka Federaalka Soomaaliya uu galay fasax,iyadoona xildhibaanada Baarlamanka qaar kamid ah ay fasaxooda safaro ku kala bixinayaan deegaanada ay kasoo jeedaan si ay u helaan xogta dhabta ah ee deegaanka laga soo doorto ka jira.

Halkan ka dhagayso Codka Xildhibaanada

Download