Beledweyne ( SPR ) : Fariisimo ay Ciidamada Dowlada iyo kuwa Amisom ee Gobolka Hiiraan ay ku leeyihiin galbeedk Magaalada Beledweyne gaar ahaan xaafada Howl wadaag ayaa weerar xoogan ay kusoo qaadeen Ciidamo ka tirsan Alshabab.
Tawane Axmed oo ka tirsan Saraakiisha Ciidanka ee Gobolka Hiiraan ayaa sheegay in ay khasaare xoog leh ku gaarsiiyeen dagaalka Ciidankii Alshabab ee weerarka soo qaaday,sidoo kalana ay ka carareen sida uu sheegay Taliyuhu ilaa 12 Mayd ah oo ka tirsanaa Alshabab.
Guddoomiye ku xigeenka Gobolka Hiiraan Axmed Inji ayaa Warbaahinta u sheegay in dadka ku dhintay dagaalkii ay ku jireen Saraakiil sare oo ka tirsan Alshabab ayna saxaafada usoo bandhigi doonaan.
Ciidamada Amisom ee ka socda dalka Djabouti ee fariisinka ku leh Beledweyne ayay noqonaysaa markii ugu horaysay oo weerar lagu soo qaado deegaankaasi tan iyo intii ay halkaasi soo gaareen.
