Boosaaso ( SPR ) : Isimada dowlad goboleedka Puntland ayaa marti qaad u sameeyay Wafdi ka socda dalka Kenya iyo Jubooyinka oo uu hogaaminayo gudoomiyaha Degmada Gaarisa iyo Gudoomiyaha Maamul u samaynta Jubooyinka kuwaasi oo maalmihii u dambeeyay ku sugnaa deegaanada
Puntland.
Kulanka Martiqaadka ayaa ka dhacay Hotel Juba ee Magaalada Boosaaso,iyadoona Isimada iyo wafdiga ka socda Gaarisa iyo Jubooyinka ay shir albaabadu u xiran yihiin ay yeesheen iyadoona markii uu soo dhamaaday kulankooda ay Isimadu gudoonsiiyeen
Wafdiga Hadiyado ka turjamya dhaqanka iyo wax soo saarka Puntland.
Suldaan C/laahi Saalax Jeenicade ayaa warbaahinta uga warbixiyay kulankii gaarka ahaa ee ay wada qaateen wafdigii ka socday Kenya iyo Jubooyinka ee ay martiqaadka u sameeyeen,waxaana uu ku tilmaamay in uu ahaa kulan aad u weyn oo labada dhinac ay isla afgarteen waxyaabihii ay ka wada hadleen.
Suldaan C/laahi Saalax Jeenicad
Arimaha ay labada dhinac ee Isimada iyo wafdiga kale ka wada hadleen ayaa la sheegay in ay kamid ahayd Arimaha Jubooyinka oo ay Isimadu sheegeen in haatan dhismaheedu uu meel fiican marayo ayna ku howlan yihiin sidii wada jir looga wada shaqayn lahaa.
Wafdiga ka socda Gaarisa iyo Jubooyinka ayaa todobaadkii ugu dambeeyay ku sugnaa Deegaanada Puntland iyagoona booqasho ku tagay deegaanada kala duwan ee Maamulka Puntland.
