Muqdisho ( SPR ) : Dowladda Federaalka Soomaaliya ayaa ka hadashay Xariga Agaasimihii guud hore ee Wasaarada Waxbarashada Muuse Faarax Xayd iyo wiil uu dhalay,iyadoona ay sheegeen in xariga Agaasimahaasi uu yahay mid ku salaysan musuq maasuq iyo isdaba marin.
Wasiirka Arimaha Bulshada Federaalka oo ay hoostimaado Wasaarada Waxbarashada Drs Maryan Qaasim ayaa warbaahinta u sheegtay waxyaabaha uu u xiran yahay Agaasimaha iyo wiilka uu dhalay ay tahya is daba marin deeqihii waxbarasho ee laga helay dalka Turkiga,waxaana soo dacweeyay ayay tiri dadweyinihii ay lavagaha ka qaateen.
Wasiiradu waxaa ay diiday Masuuliyad ay Wasaaradoodu ku lahay Xariga Agaasimaha,iyadoona sheegtay in iyagu ay la dagaalamayaan Musuq maasuq hase ahaatee aanay xiligan jirin cid ay iyagu xireen.
Dowlada Cusub ee Soomaaliya ayaa sheegtay in ay la dagaalamayso Musuq maasuqa waxaana horay loogu eedeyn jiray Dowladihii ka horeeyay in uu hareeyay Musuq Maasuq taasi oo ay dowladani ka fogaanayo in ay ku lug yeelato.
