Muqdisho ( SPR ) : Wakiilka Qaramada Midoobay u qaabilsan Arimaha siyaasada ee Soomaaliya Augustina Mahiga ayaa ka hadlay waxyaabihii u qabsoomay soomaaliya sanadii lasoo dhaafay ,Waxaana uu sheegay Soomaaliya in ay horumaro dhinacyo badan ah ay sanadkii tagay ku talaabsatay.

Arimaha horumarka ee Mahiga sheegay in lagu talaabsaday ayaa waxaa kamid ha dhisitaankii Baarlamanka Soomaaliya bishii August ee sanadkii lasoo dhaafay,Ansixintii dastuurka ,Doorashooyinkii madaxtinimada iyo guulihii kala duwan ee ay gaareen ciidamada dowlada gaar ahaana goboladii soo galay gacanta dowlada.

Dowladaha Gobolka iyo Ciidamada nabad ilaalinta Amisom ayaa Mahiga uga mahadceshay guulihii ay ka gaareen la dagaalanka Alshabab,gaar ahaana sida ay Ciidamada Afrikaanka ah ay naftooda ugu hureen xoriyad u helitaanka soomaaliya,gaar ahaan sifaynta Alshabab.

Mahiga Waxaa uu sheegay qorshahooda sanadka cusub in uu yahay mid ay xafiiskooda siyaasadeed ay ugu soo rarayaan soomaaliya si rasmi ah si ay uga shaqo bilaabaan xarunta caasimada soomaaliya ee Muqdisho.