Nairobi ( SPR ) : Dowlada Kenya ayaa ka hadashay Adkaynta Amaanka Dalkeeda Xili ay dhowdahay dabaal degyada ay dadka haysta Diinta Krishtanka ay u sameeyaan Sanadka cusub,Waxaana ay ka digtay weeraro Argagixiso oo dalkeeda ka dhaca.
Dowlada Kenya ayaa xustay in ay heleen laamaha sirdoonka dalkeeda warar ku aadan weeraro ay Alshabab iyo Al qacida ay ku damacsan yihiin in ay ka fuliyaan Kenya bilowga sanadka cusub,gaar ahaana xiliyada ay Dabaal degyadu socdaan.
Mid kamid ah Gudoomiyayaasha Degmooyinka ee dalka Kenya ayaa sheegay in ay qabteen ilaa 10 qof oo doonayay in ay weeraro Argagixiso ka fuliyaan gudaha Dalka Kenya,laguna qabtay Magaalada Gaarisa.
Kooxda la qabtay ayaa la sheegay in ay doonayaan weeraro Argagixiso oo ay ka fuliyaan gaarisa,gaar ahaana maalinta Madaxbanaanida wadankaasi.
Dalka Kenya ayaa noqday mid u nugul qaraxyada iyo weerarada lagu beegsanayo ciidamadooda iyo Saraakiisha dalkaasi,Waxaana ay Dowlada Kenya ay sheegtay in ay beegsanayso cid kasta oo ay ku tuhunto in ay ku lugu leeyihiin Argagixiso.
Dadka Soomaalida ee Dalka Kenya ku dhaqan ayaa noqday ugu ay baqdin badan soo wajahday,maadaama ay Dowlada Kenya ay inta badan la xiriiriso cida ay qabanayso Alshabab.
Alshabab waxaa ay horay hanjabaadyo ugu dirtay Dowlada Kenya,gaar ahaana in ay kaga Aargudanayso weerarkii ay Ciidamadeeda kusoo qaadeen gudaha dalka Kenya.
