Pretoria(SPR):- Madaxwaynihii hore ee dalka Koonfur Africa Nelson Mandela ayaa la geeyey cisbitaal ku yaal magaalada Pretoria ee dalka Koonfur Africa si loola tacaalo xaaladdiisa caafimaad."Xaaladda Mandela way wanaagsan tahay." Waxaana ay kooxda dhakhaatiirtu noo muujiyeen farxad, ka dib markii ay si fiican ula tacaaleen xaaladda madaxwaynaha aanu aadka u jecelnahay ee dalka Koonfur Afrika usoo hoyoy diimuqaariyadda iyo dawladnimada." waxaa yiri madaxwaynaha dalka Jacub Zuma shalay Sabtidii. Nelson Mandela, oo da'diisa lagu sheegay 94-sano, ayaa 27-sano ku soo laqay xabsi ku yaal dalka, kadib markii uu bilaabay dagaalkii dheeraa uu waddanka kaga xoreynaayey dadka Caddaanka ah. Mandela waxa uu noqday madaxwaynaha dalka sanadkii 1994, afar sano ka dib markii laga soo daayey xabsiga.