Muqdisho ( SPR ) : Madaxweynaha Dowlada Federaalka Soomaaliya Xasan Sheekh Maxamuud
ayaa ka hadlay qaraxii ka dhacay Xaafada Islii ee Magaalada Nairobi
Xili uu maanta dib ugu soo laabtay Magaalada Muqdisho,kadib safar maalmo
qaatay oo uu ku tagay wadanka Turkiga.
Madaxweyne Xasan Sheekh ayaa cambaareyn dusha uga tuuray kooxihii fuliyay
weerarkaasi,waxaana uu ku tilmaamay in ay yihiin kooxo diidan taageerada
ay Kenya siinayso Soomaaliya.
Halkan ka dhagayso Codka Madaxweynaha ee uu Qaraxa Islii ku cambaaraynayo
Download
Madaxweynuhu waxaa uu tacsi uga diray Dowlada iyo Shacabka Kenya Qaraxaasi
gaar ahaana dadkii ku waxyeeloobay oo Ehelkoodii kuwii dhintay iyo kuwii dhaawacmay ba
uu uga tacsiyeeyay.
Sababaha ay dhibaatadu u gaarayso,gaar ahaan qaraxyada ay Kenya uga dhacayaan
ayaa Madaxweynuhu ku sheegay in ay tahay Maxaad Soomaaliya u saacidaysaan ama
u taageeraysaan.
Dhanka kale Madaxweynuhu waxaa uu ka warbixiyay safarkiisii dalka Turkiga
oo uu sheegay in ay marti qaad ka heleen Madaxweynaha Jamhuuriyada Turkiga
oo marti qaad rasmi ah u fidiyay dowladooda.
Halkan ka dhagayso Codka Madaxweynaha ee uu Safarka Turkiga uga warbixinayo
Download
Safarka uu Turkiga ku tagay ayaa Madaxweyne Xasan sheekh waxaa uu ku tilmaamay
in uu ahaa mid muhiim u ah Soomaaliya iyo Xiriirka labada dal ee Turkiga iyo Soomaaliya
waxaanu soo gaarnay ayuu yiri Madaxweynuhu heshiisyo Taariikhi ah.
