Muqdisho ( SPR ) : Shir ay Golaha Wasiiradda ku yeesheen Muqdisho ayay uga hadleen Dhoofka Xoolaha,ka ganacsiga Hubka iyo Dharka Ciidamada oo uu Goluhu isku raacay in la mamnuuco ka ganacsigooda,masuuliyada soo dajintoodana ay yeelan karto oo kali ah Dowlada
Shirkani ay yeesheen Golaha Wasiirada ayaa waxaa shir-guddoominayey Raysal Wasaaraha Xukuumadda Federaalka Soomaaliya Cabdi Faarax Shirdoon ,Waxaana ugu horayn uu Raysal wasaaruhu ka warbixiyey booqashadii uu ku tagay Duleedka Muqdisho,gaar ahaana uu ugu kuur galayey xaalada Amniga iyadoona ay jireen weeraro Madaafiic ah oo maalin kahor lagu qaaday Madaxtooyada.
Golaha ayaa isku raacay in la sameeyo gudi ka kooban 5 Wasiir oo kala shaqeeya gacanstada dhoofisa Xoolaha sidii ay ugu fududaan lahayd howla hooda shaqo. Waxaana gudigaas ka mid ah Wasiirka Arimaha Gudaha iyo Amniga Qaranka, Wasiirka Maaliyadda, Wasiirka Howlaha Guud, Wasiirka Ganacsiga iyo Wasiirka Khayraadka Dalka.
Golaha Waxaa uu sidoo kale isku raacay in aan laga ganacsan karin
qalabka ciidamadda sida, Hubka noocyadiisa kala duwan iyo dhamaan qalabka ay Ciidamadu isticmaalaan.
