Boosaaso (SPR) : Dowlada Puntland ayaa la wareegtay ilaa 5 Maxbuus oo Burcad badeed
   Soomaali ah,kuwaasi oo Diyaar Khaasad ah ay ka soo qaaday Sycheles
   oo ahayd goobtii lagu xukumay.

   Burcad badeedan ayaa Xabsi ilaa 20 sano gaaraya ay kusoo xukuntay
   Maxkamad ku taala Dalka Sycheles,iyadoona Mudada xabsigooda ka
   dhiman ay ku qaadan Gudaha Puntland.

   Wasiir ku xigeenka Wasaarada Dekedaha,Gaadiidka Bada iyo la dagaalanka
   Burcad badeeda Maxamed Ciise Lacle oo ka hadlay goobtii Maxaabiista
   laga soo dajiyay ee Garoonka ayaa ku canaantay Dhalinyaradii Burcad
   badeeda ee la keenay in ay Yimaadeen Ciidii ay ku caasiyeen,iyadana
   haatan lagu xirayo.

   Taliyaha Ciidamada Booliska Gen Cali Nuur ayaa sheegay Maxaabiistani
   in ay qayb ka yihiin kuwo kale oo dalalka shisheeye laga keenayo,aanayna
   u kala soocoyan Deegaan,laguna xiri doono xabsiyo loo diyaariyay oo
   ku yaal Gudaha Puntland.

   Qaar kamid ah Dhalinyardii Burcad badeeda ayaa sheegay dhankooda in ay
   ku farax sanyihiin in ay dib ugu soo laabtaan Dalkooda,ayna dalbadeen
   iyagu in wadankooda lagu xiro,ayna jecel yihiin in Ciida dalkooda
   Hooyo lagu Aaso.