Bosaaso (SPR): Waxaa jimcii ka dhacday hotelka juba ee magalada Bosaso xaflad lagu taagerayo harumarinta bulshada haylaan, waxaa xafladaa soo qaban qaabiyay Xarunta Horumarinta Bulshada Haylaan( Haylan Development society center) oo ay ku bahoobeen dhaliyaro & hoyooyin aqoonyahanin ah , waxaa xaflada kasoo qayb galay marti sharaf aad u tira badan oo isugu jira aqoonyahaniin, culimo, ganacsato,hoyooyin iyo waliba dhalinyaro.

Ujeedka ama gogoldhiga xafladani waxay ahayd laba arimood oo kala ah, in kasoo qayb galayaasha loo sharaxo ujeedada iyo shaqada loo asaasay xarunta horumarinta bulsha haylaan, iyo tankale oo ahayd in kasoo qayb galayaasha lagu dirdirsiiyo ka qayb qaadatashada horumarka degaankooda(haylaan).

Ugu horeyn waxaa halkaa ka hadlay Gudoomiyaha ku meelgaarka xarunta mudane Salad Cige Maxamed oo isagu ku dheeraday sharaxaada ujeedoonyinka xarunta horumarinta bulshada haylaan oo ahaa waxka qabashada baahiyaha asaasiga ah ee ka jira degaanka sida: caafimadka, waxbarashada, nadaafada degaanka, I,w,m sidoo kale gudoomiyuhu wuxuu ku dhiirigaliyay dadki kasoo qayb galay kulanka inay degaankooda waxka qabtaan una soo jeestaan.

Waxaa sidoo kale kalmad ka jeediyay xaflada aqoonyahan Siciid Cismaan maxamed(majakiis) oo sheegay in ay tahay arintani arin aan looga baran dadkeena waana arin cusub waana in loo mahadceliya laguna taagera hawsha ay qabteen dhalinyarada iyo hooyooyinku waana in ugu yaraan la yiraahda waad mahadsantiin, ayuu kusii daray pro: siciid.

Ugu dambeyntii waxaa xaflada kalmad kasoo jeediyay Sheikh Cabdillaahi Cabdi Shabeele oo sheegay in xarunta asaaskeeda ay aad usoo dhawaynayaan ayna tahay fekrad cusub oo waxweyn kusoo kordhinaysa bulshada, shiikhu wuxuu ku booriyay dhalinyarada & hooyoyinka u istagaay waxka qabashada degaankooda inay dadaalka siiwadaan, isku kalsoonadaan sido kalana ay isku duubnaadan, waxaa laga yaaba in ay caqabada ka hor imankaraan.

Dhanka kale cabdillaahi wuxuu dadweynaha madasha fadhiya iyo kuwa ka maqanba ka codsaday inay wakhtigidooda, maalkooda iyo maskaxdoodaba ku bixiyaan ka qayba qaadatasha horumarka degaankooda.

Iskusoo wada duubo xafladi ayaa u dhacday sidii laga filaayay si ka fiican dadki kasoo qayb galay xaflada ayaa ku deeqay lacago fara badan oo wax lagaga qabanaayo harumarinta degaanka sida hospitalka iyo mediyada.

Dhanka kale waxaa isasoo taraya hadal haynta bulshada oo ay ku tilmaamayaan taalabo wanaagsan oo dhanka horumarka loo qaaday asaasisda xarunta horumarinta bulshada haylaan iyo talaaboyinka horumarka leh oo ay qaaday iyada oo xarunta asaaskeedi laga jooga 2 bilood waxka yar lana asaasay 18/Oct/2012 waana xafladii labaad oo ay xaruntu soo qaban qaabiso tii hore oo dhacday 2/Nov/2012.

W/Q. Maxamed Cawil Cabdullaahi

Xiririyaha: Xarunta Horumarinta Bulshada Haylaan. ( Haylaan development society center)

This e-mail address is being protected from spambots. You need JavaScript enabled to view it

Hoos Ka Daawo SAWIRO: