Muqdisho ( SPR ) : Xili ay weli taagan tahay hadal haynta Maamul u samaynta Gobolada Jubooyinka
ayna socoto Shirarka looga arinsanayo ayaa waxaa ay dadka Deegaankaasi kasoo
jeeda Qaybtooda ay yihiin kuwo ku kala aragti duwan Maamul u samaynta Goboladaasi,
iyadoo qaarkood ay aamin sanyihiin in Xiligani aanay ku haboonayn halka
kuwo kale ay doonayaan in hada Maamulkaasi la dhiso.

Gaashaanle Sare Cabaas Maxamed Maxamuud oo kamid ah Masuuliyiinta Goboladaasi
kasoo jeeda ayaa isaga oo ka hadlayay Kulan looga arinsanayay Maamul
u samaynta Gobolada Jubooyinka,kana dhacay Muqdisho waxaa uu ka sheegay in
Jubooyinka ay Degen yihiin in ka bada 19 Beeleed,dhamaantoodna ay heshiisku ahaayeen
Siyaasada Gobolka,hase ahaatee ay dadka qaar aamin san yihiin in kuwo ay yihiin Minority
ama laga badan yahay,taasina ay tahay wax aan sax ahayn,ayna tahay in Suldaanka
Beelkasta oo kamid ah Beelaha Jobooyinka wax laga weydiiyo Maamul u samaynta Goboladaasi
kadibna ay sahlanaanayso in Halkaasi uu kasoo baxo Maamul lagu wada qanacsan yahay.

Download

Hadalka Gaashaanlaha ayaa yimi Xili Magaalooyin ay Caasimada Dalka ay kamid
tahay ay ka socoto Shirar looga arin sanayo Maamul u samaynta Jubooyinka
oo noqotay tan loogu hadal haynta badan yahay Dalka Soomaaliya wixii ka dambeeyay
ka bixitaankii Alshabab ee Magaalada Kismaayo.