Xingalool ( SPR ) : Gudoomiyaha Gobolka Sanaag Maxamuud Ismaaciil Ciyoon ayaa ka hadlay warar ay qaar kamid ah Warbaahintu ay sheegeen,gaar ahaana tilmaamaya in Ciidamo Somali land ah ay gaareen Degmada Laas qoray.
Maxamuud Ismaaciil Ciyoon ayaa isaga oo ku sugan Degmada Xingalool ee Gobolka Sanaag waxaa Waraysi uu siiyay Idaacada SPR uu ku beeniyay Warar sheegaya Imaanshaha Somali land ee Laasqoray,kuna tilmaamay warar fadhi ku dirar ah.
HOOS KA DHAGEYSO BARNAAMIJKA
MP3 KU DHAGEYSO HALKAN
"Puntland ayaa ka talisa Laasqoray,waana deegaan Puntland ah,wax soo dhoweyn ah iyo wax u yeela Somali land ma jiraan Laasqoray,Fara galina kuma soo samayn karaan,hadii ay isku dayaan Ciidamada amar ayay qabaan oo gacan bir ah ay wax kaga qabtaan" Ayuu yiri Gudoomiye Ciyoon isaga oo ka jawaabayay Su aal ay SPR ka weydiisay Wararka laysla dhex marayo ee ku aadan in deegaanka Laasqoray ay Ciidamo Somali land ah ay gaareen.
Dhanka kale waxaa uu gudoomiyaha Gobolka Sanaag uu kaga warbixinayaa waraysiga uu siiyay Idaacada SPR safarada ay ku marayaan deegaanada Gobolka Sanaag isaga iyo Taliyaha Ciidanka Booliska Gobolka Gaashaanle sare Axmed Siciid.
Gudoomiyaha oo xiliga uu waraysiga siinayay SPR ku sugnaa Xingalool ayaa safarkiisa deegaankaasi waxaa uu uga soo kicitamay Degmada Badhan,isagoona soo maray Ceelbuu,waxaana uu socdaalka xiga uu sheegay in uu ku tagi doono Hadaaftimo iyo Laasqoray.
Gudoomiyaha Gobolka Sanaag Maxamuud Ismaaciil Ciyoon iyo Taliyaha Ciidamada Booliska Gaashaanle Axmed Siciid ayaa dhowaan waxaa maamulka gobolkaasi usoo magacaabay Madaxweyne C/raxmaan Faroole,iyagoona soo dhoweyn balaaran kala kulmay dadka deegaanka iyo Jaaliyadaha Dibada ee Gobolkaasi u dhashay.
Comments
ice making machine
... wayeel ciiroleba cuno xumada waa ceebe dhan un isu raaca
Waad mahadsantihiin.