Bosaso ( SPR ) :Odoyaasha Dhaqanka ee Gobolka Bari oo Maalintii shalay kulan la qaatay Saraakiil ka socda Ciidamada la dagaalanka Burcad badeeda ee isbahaysiga Nato ayaa ayaa waxaa ay  ka warbixiyeen wadahadalkii dhex maray Iyaga iyo Saraakiisha Neto iyo wax yaabihii kulankaasi ay iskula soo qaadeen.

Nabadoon C/qaadir Axmed Ibraahim Xarago oo ah Gudoomiyaha Nabadoonada Gobolka bari,hogaaminayana odoyaashii kulankaasi ka qayb galay ayaa sheegay in ay kala hadleen Arimo ay kamid yihiin taageerada ay u hayaan la dgaalanka Burcad badeed iyo Cabasho ay ka muujinayaan dhibaatooyin ay gaystaan diyaaradaha Nato iyo dilal mararka qaarkood ay kaluumaystadu ciidamadaasi kala kulmaan.

HOOS KA DAAWO VIDEOGA

https://www.youtube.com/watch?v=U0cViHqUxIk&feature=plcp  

Odoyaasha dhaqanka ayaa intii kulanka socday soo hadal qaaday Dilal ay ciidamada Isbahaysiga Nato u gaysteen Kaluumaysato iyo in ay tahay wax aan loo dul qaadan Karin duqaymo mararka qaarkood lala beegsado deegaano aanay Burcad badeed ku sugnayn.

Kulanka oo qabsoomay maalintii shalay ayaa waxaa uu ka dhacay Dusha Sare Markab dagaal oo ay leeyihiin Ciidamada Nato gaar ahaana kuwa dalka Holland ,waxaa ka qayb galay Masuuliyiin uu hogaaminayo Wasiirka Dekedaha,gaadiidka bada iyo la dagaalanka Burcad badeeda,waxaana u jeedkiisu kulankan uu ahaa in iskaashi ay Ciidamada Ajaanibka ee la dagaalanka Burcad badeed ay la yeeshaan xiriir soke shacabka iyo wax garadka deegaanada ay ka howl galaan.