(SPR)Sanca: Waxaa magaalada Sanca ee dalka Yemen, uga bilawday dhallinyarada qaxootiga Soomaaliyeed ee kusagan, magaala madaxda, Sanca koob kubadda cagta ah, kaas oo loogu tala galay in ay kasoo qayb-galaan dhammaan dhallinyarada qaxootiga ku ah dalka Yemen, gaar ahaan kuwa jooga, Caasimadda Sanca, ee xiiseeya kubadda cagta.

 Koobka ayaa loogu magacdaray" Koobka is-barashada iyo is-dhexgalka dhallinyarada qaxootiga", sida uu sheegay guddoomiyaha qabanay koobkan, Axmed Xayle.

Ciyaarahan oo bilaamay shalay oo taariikhdu ahayd,24/09/2011, ayaa waxaa kasoo qayb-galay 6-kooxood oo ka jira xaafadaha kala duwan ee magaalada.

Guddoomiyaha ayaa sheegay inaysan jirin cid gacan kusiinaysa koobkan, balse ay kooxaha laf-digooda lacago laga soo ururiyey lagu qabanaayo koobkan, laakiin waxa uu sheegay inuu ka haysto ballan-qaadyo hay'adaha taakuleeya qaxootiga inuu uga keeni doono abaal-marinno marka lagaaro gaba-gabada koobka.

Ciyaarahan loo qabanaayo kooxaha qaxootiga ah, ayaa kusoo beeg-maaya iyadoo waddanka uu kasocdo banaan-baxyo iyo dagaallo ka dhacayey muddo shan bilood ah.

Waxaa naga ballan-ah inaan soo gelin doonno sawirrada kooxaha ku tar-tamay koobkan.

C/samad Samatar Yemen